Cruz Cora Aruba ta mira bek cu hopi gratitud riba un anochi exitoso durante e evento pa recauda fondo “Capes for a Cause”, cu a tuma luga diasabra ultimo. E evento a trece diferente hende den nos comunidad hunto , companianan local y sostenedonan cu un meta comun: contribui na bienestar di nos comunidad.
Cruz Cora Aruba kier expresa su sincero gradicimento na tur persona y empresa cu a mustra nan apoyo door di cumpra ticket y participa activamente. Danki na nan generosidad, nos lo por sigui realisa diferente proyecto pa comunidad cu ta enfoca riba alivio di sufrimento humano y fortalece e capacidad di nos isla pa recupera di cualkier calamidad.
Un gradicimento special ta bay na nos sponsor principal, Romar Trading, y nos partner XPress Events, pa nan apoyo valioso y colaboracion profesional den e organisacion di e evento.
Tambe nos kier gradici Ruth de Cuba y su team pa e tapas delicioso y servicio excepcional cu a contribui grandemente na e experiencia positivo di e anochi.
Ademas, Cruz Cora Aruba ta reconoci reconoce y gradici tur sponsor di doorprize pa nan contribucion generoso.
“Capes for a Cause” a demostra e poder di colaboracion y solidaridad den nos comunidad. Cruz Cora Aruba ta comprometi pa sigui traha hunto cu comunidad pa crea impacto positivo y duradero.
Pa mas informacion tocante Cruz Cora Aruba of kier contribui cu un donacion of como boluntario, por fabor tuma contacto na: [email protected]
