Diadomingo 14 di juni lo tin un programa completo di deporte na The World Cup Café na Café the Plaza, incluyendo Formula 1, futbol, bebida special, y entretenimento ‘live.’
E accion ta cuminsa na 9:00 am cu e Barcelona-Catalunya Grand Prix, cu lo ta transmiti riba varios pantaya den henter e luga. E fanaticonan por mira e careda mientras nan ta disfruta di un desayuno delicioso, bebidanan y e atmosfera deportivo den e centro di Aruba.
Na 1:00 di atardi, Alemania lo enfrenta Corsou den e World Cup Café. Durante e wega, bishitantenan por disfruta di e oferta di ‘bucket’ di Balashi y Chill mientras nan ta apoya nan team faborito hunto cu otro fanaticonan di futbol.
E accion deportivo ta sigui na 4:00 pm cu e wega entre Hulanda y Hapon. Lo tin pantayanan adicional den e luga pa sigura cu niun hende ta perde e wega. Riba dianan cu e team di Hulanda ta hunga, tin tambe entretenimento ‘live’ di DJ PTR. El lo provee un ambiente ameno prome, durante y despues di wega.
Bin hunto cu bo famia y amigonan pa disfruta di un dia completo di entretenimento deportivo.
