A pesar cu a organisa e show den un tempo record, asina mes e cantidad di hende cu a atende e show di e comediante Marco Perez, kende a indica cu tabata un energia maraviyoso.
Hopi tabata e fanaticonan di e comediante cu a bin wak e na Renaissance Conference Center. Sigur e ambiente p’e show tabata uno grandi.
Marco Perez mes no ta prome biaha ta bin Aruba y sigur a haci e experiencia aki uno increibel y carga cu energia.
Betsa, kende ta forma parti di e team organisado, a splica cu por a mira e resultado, cual tabata algo increibel. E tabata rekeri hopi preparacion. Pero tabatin un team dinamico tras di esaki. Cada un persona presente a disfruta y a disfruta di un tremendo show.
Marco Perez mes a comenta cu el a mira un energia maraviyoso y bunita na Aruba. E tabata un show di dos ora y algo, carga cu energia. E ta comenta cu no solamente e comunidad Latino tabat’ey presente, sino tambe e comunidad en general di Aruba, cual ta un bendicion.
Por ultimo el a indica cu e lo bin bek otro aña.
