Candela tur rond di Corsou: A ataca prensa di Aruba cu baranca y boter

8416

Diahuebs anochi pa 9:00pm pueblo di Corsou mester a mantene nan mes na un toque de queda. Esaki ta debi na e disturbionan cu tin rond di e isla despues di un protesta cu a bay for di man.

Sinembargo na momento cu e team di 24ora.com tabata coriendo rond pa haya un bista fotografico di e toque de queda, a bin topa cu un candela memey di caminda. Ya caba na e momento aki tabatin varios candela rond di e isla. Na momento cu a baha for di auto pa ilustra e candela, inesperadamente habitantenan di e bario a cuminsa tira cu piedra, baranca y boter riba e auto y e periodistanan.

Inmediatamente a core bay na e auto y a bandona e sitio. Ta trata aki di e area di Berg Altena. Asina cu a logra yega na un area mas sigur, a logra baha for di auto pa inspecciona e daño. Aki a ripara cu e atake a causa varios sla na e auto. E periodistanan mes no a resulta herida. Polis y Brandweer tin nan mannan yen cu diferente candela na mes momento.

Tin varios rumor ta core cu ta oponentenan politico di e actual gobierno lo ta pagando varios persona pa comete e disturbio y varios destruccion aki. Esaki lo ta pa pone presion pa e Gobierno actual entrega nan retiro.

Breaking News: Hopi candela rond Korsou y Prensa di Aruba a keda ataca cu baranca y botter na Berg Altena

Posted by 24ora on Thursday, June 25, 2020