Suceso

Candela a paraliza hasta comercio den San Nicolas pa un rato

20 May, 2018, 8:51 am

Diasabra atardi den careda di 6or y 15 a surgi un candela di mondi na San Nicolas. Esaki tabata unda antes tabata wordo yama “Old Boxing Stadium”.

Tabata un candela di mondi, sushi,y materialnan bieu di palo cu tin eyden.

Bomberonan tabata den acción tambe na San Nicolas. Candela di Mondi poco pariba di Save A Lot a paraliza San Nicolas cu e huma Preto. Tabata na Ex Boxing Stadium. Basta awa a wordo usa pa controla e candela y e molester cu e huma tabata causa. Con e candela a cuminsa no ta conocí. Algún imagen di e Bomberonan den acción. Diasabra net algo Prome cu 7or después cu solo a baha.

Posted by 24ora on Saturday, May 19, 2018

E candela tabata basta grandi y tabata menazante pa algun cas den vecindario.

Bomberonan a yega rapido na e sitio y a sa di domina e candela grandi di mondi. Un molester di huma a reina den e vecindario cual tin varios cas y te hasta un supermercado a sera su portanan di e entrada principal pa e molester cu nan clientela a sufri.