E gimnastanan Arubano Casey Provence y Daenah Beke a representa Aruba cu orguyo den e categoria Senior durante e Campeonato Sur Americano di Gimnasia Artistico na Lima, Peru.
Casey Provence a destaca enormemente logrando clasifica pa dos final di aparato: Salto (Vault), despues di finalisa na di 7 luga cu 12.550 punto, y Barra Asimetrico (Uneven Bars), unda el a logra di 9 luga cu 11.500 punto. Den e clasificacion general (All-Around), el a termina na di 13 luga cu un total di 45.150 punto (Salto: 12.550, Barra Asimetrico: 11.500, Suela: 11.000, Biga: 10.100).
Di su banda, Daenah Beke a logra un digno di 17 luga den e clasificacion general cu 39.100 punto.
Pabien na ambos atleta y hopi exito pa Casey den e finalnan di salto y barra!
