Home » Mantene bo bista tur momento riba Cristo Hesus

Mantene bo bista tur momento riba Cristo Hesus

by Daniela

Tur hende por ripara con sistema traha pa man di hende ta laga di desea. No ta nada nobo si bo bay un compania grandi pa haya servicio y bo ta tende cu bo tin cu warda pasobra e computer ta down.

E vuelonan ta cancela na gran escala, pa motibo cu e sistema di comunicacion a faya of hackers ta bezig.

Bo ta traha afspraak pa un servicio, pero ora bo yega n’e departamento bo tin di warda, pasobra tin problema cu computer.

Bo auto tin problema, bo ta hiba bo auto garashi. Awor e computer cu mester check e auto no ta

Funcionando.

Pa motibo di fayo di computer un hende por perde su bida.

Awendia nos conoce varios tipo di guera:

  • Guera militar.
  • Guera biologico.
  • Guera economico.
  • Guera digital.
  • Guera Spiritual.
  • Guera Politico.

Palabra di Dios ta bisa lo siguiente: Si boso ta lanta cu Cristo anto, sigui busca e cosnan di

ariba, caminda Cristo ta sinta na man drechi di Dios. Pone boso mente riba e cosnan di ariba, y no riba e cosnan cu ta riba tera. Pasobra boso a muri y boso bida ta scondi den Cristo den Dios. (Colosensenan 3:1-3).

Tambe ta para skirbi: No stima mundo ni e cosnan cu ta di mundo. Si un hende ta stima mundo, e amor di e Tata no ta den dje. Pasobra tur loke tin den mundo,e deseo di carni, y e deseo di wowo,y e orguyo di bida, no ta bini di e Tata, sino di e mundo. Y e mundo ta pasa bay y su deseonan tambe, ma esun cu ta haci e boluntad di Dios,ta permanece pa semper. (1 Juan 2:15-17).

Mas ainda nos tur tin di corda locual tin para skirbi den Romanonan 12:2 bisando: Y no sea conforme e mundo aki, ma sea transforma pa medio di e renobamento di boso mente, pa boso por comproba, kico ta e bon y agradabel y perfecto boluntad di Dios.

E manera cu e sistema di mundo ta bayendo ta exigi pa nos hala mas cerca Dios.

Haci Su boluntad, mantene un bida di oracion firme, aparta for di maldad, huy for di fornicacion y adulterio, no asocia ni tampoco sostene maldad, pone orguyo un manda, rechasa tur clase di inmoralidad, busca paz y santidad pa nos bida.

Pasobra nos tin di corda locual ta para skirbi den Juan 15:5 cual ta bisa: Ami ta e mata di wijndruif, boso ta e ramanan, esun cu keda den Mi, y Ami den dje , esey ta duna hopi fruta, pasobra separa di Mi boso no por haci nada.

Hesus a bisa, ami ta e caminda, e berdad y e bida, ni un hende no ta bin cerca e Tata sino pa medio di Mi. ( Juan 14:6) Hesus a bisa: Bin cerca Mi tur cu ta cansa y carga y lo mi duna boso sosiego.

Awor wak riba mundo cuanto hende ta cansa mentalmente y ta purba tuma tur sorto di tratamento, cientifico y farmaceutico ta purba tur sorto di remedi, hasta bruheria y hypnotismo a aumenta barbaramente, tratando di duna solucion na e problema di salud mental, y te ainda hende no kier acepta e palabra di Hesus den nan bida pa nan tin paz.

Hende kier pa Dios yuda nan, pero cu nan conducta, nan mes palabra y nan falta di fe y temor di Dios, nan wowo ta tapa door di e maligno. Asina nan no ta mira kico Dios por haci pa nan.

Hende ta balora material mas cu Diosy nan ta lubida cu material ta temporal, Cristo Hesus ta eterno.

Skirbi pa Pastoor Marcel Balootje.

Bo por gusta tambe

Adblock Detected

Please support us by disabling your AdBlocker extension from your browsers for our website.