Jeritza Arends y su famia tin cinco pa seis aña campando na Baby Beach y tur esaki a cuminsa como un joke. El a yega di bisa un colega di dje pa nan bay campa. Cu un tent di auto di nan di cas, nan a cuminsa y poco poco a cuminsa cumpra nan cosnan. Awo nan tin tur cos, e ta conta.
Prome nan a cuminsa como amistad, djey nan ta sigui bin cu nan famianan. Arends ta conta cu dos luna prome cu e temporada di campamento, ta reuni y ta puntra ken tur kier campa. Asina ey ta wak cuanto hende ta bay y saca un prijs. Asina nan ta bay regla awa, e vergunning, tur cos cu ta encera.
Campamento p’ariba
Arends gusta campa p’ariba, mescos cu su hendenan. Nan ta hendenan di p’ariba di brug y esey no tin duda. Pa loke ta reglanan, tin algun di nan cu tin cu biba cun’e, pero tin algun regla cu no ta di acuerdo cun’e. Tin di compronde cu otro aña no por tin trailer. Apesar cu Arends y su famia no ta campa cu trailer, mester tene consideracion cu e hendenan cu ta uza baño publico. E ora ey e hendenan cu ta bin haci e wc limpi tur dia, no por subi. Esey ta pone cu tin cu haci otro manera pa wc. Por ehempel si nan bay den awa, e no ta adecuado. Tin cu tene consideracion cu si e hendenan cu ta bin chica pos, por subi y bin chica e wcnan tur dia.
Verkaveling of no
Manera cu e ta awor aki e ta bon. Cu e tin su luga vast. Tur hende eynan sa unda nan ta campa tur aña. Hende nobo mester djis adapta na un otro spot. Nan tin nan luga standard caba. Arends sa, cu famia Brown ta na cuminsamento, despues ta famia Roja, djey ta famia Arends. Tur hende sa unda nan spot ta tur aña. Aki no tin discusion.
Espacio suficiente
Arends a comenta cu e espacio ta suficiente. Si e no ta yega, e bisiñanan ta papia cu otro y ta squeeze den otro su luga.
Mensahe
Campamento ta fun. E ta hopi leuk si haci’e den famia. Unico cos ta pa tene e beachnan limpi, Arends a bisa por ultimo.
