Diahuebs awor Garage Centraal Aruba lo trece un edicion nobo di Autonights, unda lo warda un y tur entre 6’or di atardi cu 9’or di anochi, y ta duna un oportunidad na esnan cu desea di busca un auto nobo of segunda mano pa hacie den e comodidad di un horario mas liber di ocupacionnan cual ta anochi, y cu banconan presente.
Manera semper, lo tin disponibel un stock amplio di autonan di marcanan Hyundai, Isuzu cu Volkswagen, di tal manera cu esnan cu haya aprobacion no tin nodo di warda pa lunanan largo prome cu nan haya e auto nan desea. Tin un variacion amplio pa tur presupuesto den e lineup di Hyundai, for di e super economico Hyundai Eon, disponibel pa apenas Afl. 20.400, te na e tremendo Hyundai Santa Fe. 
Mas ainda, Garage Centraal tin e variacion mas amplio di modelnan di SUV na Aruba, cu cuater opcionnan di SUV for di Hyundai, ademas di Isuzu cu e mu-X, of e tremendo Volkswagen Tiguan. Entre e modelnan di SUV cu Hyundai ta ofrece tin den stock e Hyundai Creta. Esaki ta un SUV compacto cu for di e momento cu a drenta Aruba a resulta hopi exitoso danki na su combinacion di calidad halto cu prijs razonabel. Tambe tin den stock e Tucson SUV. For di e momento cu Tucson a haya su restyling mas reciente, esaki a haya un aceptacion hopi grandi cu su styling agresivo, e interior mas amplio den su categoria, detayenan refina y un maneho cu a wak mehoracion den tur aspecto.
Ta conveniente pa tuma na cuenta cu na e momento akin a Garage Centraal tin diferente promocionnan tumando lugar, inclui Afl. 1,000 riba tuir autonan segunda mano, of e descuento di Afl. 1,000 riba e Hyundai Grand i10 Sedan nobo. Esnan interesa di busca un auto y di biaha probecha di pidi e lening cu cualkiera di e banconan presente ta ser recomenda pa tin na man tur nan documentonan cu ta ser pidi den ocasionnan asina. E documentonan aki ta inclui e dos ultimo payslip, rijbewijs, ademas di identificacion valido y carta di trabou. Tur e papelnan aki necesario ta yuda banco procesa e lening. 
Tin banco cu adicionalmente ta pidi sea un carta di censo, of bo ultimo recibo di utilities.Pa esnan cu mester un auto nobo y nan bida diario ta laga nan cu tiki tempo, e invitacion ta keda extendi pa pasa libremente na e showroom diahuebs awor entre 6’or y 9’or di anochi pa e “Autonights” di Garage Centraal Aruba.
