Diaranson pa mas of menos 12:00 pm informe a drenta cu na e rotonde di Mahuma tabatin un persona masculino drumi plat riba tera net pazuid di Green Corridor. Un persona cu a wak e situacion a informa autoridad y mesora un patruya di Polis a acudi n’e sitio.
Agente policial na sitio a constata cu tur cos tabata mustra cu e persona aki no ta malo, pero mas bien tabata duna indicacion cu e lo a consumi bebida alcoholico te di mas.
Pa su mesun siguridad a pidi un vehiculo di transporte dun’e un lift pa un luga mas safe. Probablemente esey lo bira warda di Santa Cruz, caminda e lo bay haya su boet pa “Openbare Dronkenschap”.
