Diasabra den careda di 3:25am polis a presenta na altura di Rancho caminda tabata tin un bringamento formal andando. Akinan un persona a keda hinka na su curpa.
Mesora ambulance a presenta pa asina por brind’e atencion medico avansa y transport’e pa hospital. Polis a cera ful e caminda pa asina haci parti investigacion.
Tabata tin un testigo cu a mira esaki anto a comparti informacion cu autoridadnan.
No ta conoci kico a bay robes of motibo dicon e situacion a bay for di man, e victima a bay cu hospital pa ricibi atencion medico necesario, mientras e agresor a bandona sitio despues di e suceso.