Riba diaranson tabatin un actividad pa e alumnonan di Brighter Future Academy. Esaki tabata den cuadro di celebracion e fiesta di Pasco Grandi.
Uleike Tromp, director di e scol, a splica cu nan ta un instituto educativo specialisa pa muchanan cu autismo, esnan cu ADHD pero tambe muchanan cu “development delay”. E programanan ta individualisa, basa riba necesidad di cada mucha. Tur pa yuda nan den diferente area di desaroyo.
Diaranson a organisa un “egg hunt”, pero manera parti den fase. Prome e coneu a yega den e klasnan pa haci wega cu nan. Despues tur mucha a sali pafo pa busca webo, a pinga webo pa na final e trinta muchanan por a socialisa.
E tipo di actividadnan ta pa e muchanan pa mustra cu nan tambe ta forma parti di e sociedad.