Un ciudadano pa algun dia caba a pone un denuncia riba Lost & Found di un cacho cu a bin ta circulando den su bisindario di Plantenrust y Primavera.
No a haya ningun reaccion. Mas despues a bin tende cu e mesun cacho aki a mira mara na Centro Control di Cacho (CCC) na un tubo. Probablemente di tanto ranca na esaki, pa su desesperacion, e cadena a kibra.
Y lastrando e cadena el a keda cana rond den e bisindario. Mas cu un persona cu ta biba eybanda y a mira e cacho aki tur e dianan aki, dunand’e awa y cos di come, a post riba Facebook pa mira si no tin hende interesa pa tuma e cacho aki na cas. Sinembargo no ta haya reaccion.
Un di e ciudadanonan cu a pone un post riba Facebook buscando un hende pa tuma e cacho, awe den oranan di mainta a topa su cura tur na sanger di e cacho. No sa si ta un otro cacho a atac’e of autoa dal’e.
E ciudadano ta bolbe haci un apelacion na un persona di bon curason of instancianan cu ta cuida animal, pa tuma contacto cu su persona na 5942891 pa mira con por yuda e cacho macho aki.
