Diahuebs anochi,  25 di juli alrededor di 23:55 e avion Dash 8 di Warda Costa tabata riba un patruya ora nan a señala un contacto sin lus cu tabata move den direccion di Klein Kòrsou.

Mesora e tripulacion di e Dash a notifica e Sentro di Reskate (RCC) di Warda Costa. E Centro di Rescate na su turno a pasa e informacion aki pa e barco di Marina Real, cu ta nabega aworaki pa Warda Costa, y pa e barcu Jaguar di Warda Costa. Tur dos barco tabata patruya den awa di Corsou na mesun momento. Tambe a notifica e Punto di Sosten Kòrsou cu a lansa nan Metal Shark I-02 pa bay intercepta e boto.

A intercepta e boto alrededor di 02:45 ora na 7 miya zuid di Klein Kòrsou. Durante e interceptacion a los un tiro di advertencia. A resulta di ta un boto tipo Eduardoño cu 4 persona abordo y un prikichi. A trece e boto na e pier di Warda Costa y e cuater persona a wordo entrega na polis. A yama servicio veterinario pa bin busca e prikichi.

Comments

comments