Diahuebs merdia, den careda di 12:40PM a pidi presencia di Brandweer pa un candela di mondi cu tabata menasando un hardware store como tambe Colegio San Antonio na Santa Cruz.
Testigonan den cercania tabata papia di un candela basta grandi cu e crece basta lihe. Mes ora bomberonan a presenta na sitio y cuminsa paga e candela. A tuma nota cu e candela a logra di causa daño na un area basta amplio di tereno cu gran parti tabata mondi. Naturalmente e preocupacion tabata riba e cas den cercania, negoshi y e scol cu e tabata menasando, afortunadamente a logra domina e situacion.
