Campeonato HEINEKEN fast pitch di Aruba Softball Bond dedica na Chin Thiel (q.e.p.d) y e trabuco Wilbert “Wiwi” Maduro a continua durante siman. Den categoria A-Klas e primera ronda di Play off ta andando unda clasifivado # 1 Blackhawks a enfrenta Clasificado # 2 den nan serie di best out of 3.
Ganador lo pasa pa final y perdedor di e serie aki tin cu hunga contra e ganador di e serie di # 3 vs # 4. Serie tabata empata 1-1 y den e wega desisivo Blackhawks a bini por la goma ganando mediante knockout 15-0 y ta pasa pa final. Blackhawks 15 careda, 9 hit, 0 error y ta laga 4 coredor den circulacion. Black Joker 0 careda, 1 hit, 6 error y ta laga 4 coredor na base. Mihor bateadornan pa Blackhawks ta Rodney Kelly di 4-2 cu 3 rbi y Jeffim Jansen di 3-2. Pa Black Joker e unico imparable a wordo bati pa Anderson Giel kende a bay di 2-1. Efraim “Fenchi” Leon ta bay 4 inning, 32 bola, 30 strike pa un total di 62 lansamento regalando 5 base por bola pa seya e victoria riba su nomber.
Elvis Maduro ta tira 1 inning y un tercio permitiendo 6 careda limpi mas 4 base por bola y mester conforma su mes cu e derota. Edwin Joy Orman ta drenta di relevo lansando 18 bola, 41 strike pa un total di 59 lansamento permitiendo 2 careda limpi pero ya e daño tabata hasi. Blackhawks cu e victoria aki a pasa pa final garantisando sub campeon y lo bay lucha pa e titulo y lo warda e ganador entre e serie di Black Joker y Celebrities. Diasabra 6pm playoff final femenino entre Jagusrs y Eagles lo continua na Pos Chiquito, diadomingo 11 am Eagles vs Jaguars Game 3 y dialuna 715pm Gran Final A-Klas Game # 1 lo inicia. Tur weganan aki ta na Pos Chiquito. Pues fanaticada bo tin un compromiso cu softball.