E trabao di Biblioteca na San Nicolas a cuminsa na 1952. Desde prome di September 1989, nan ta den e localidad actual. Segun directora di Biblioteca Nacional, Astrid Britten, a pasa den un reapertura caba na 2009.
Casi 10 aña despues ta na un otro reapertura, riba 20 di Maart y nan ta contento cu esey, di por tin e Biblioteca bek na su luga, sigur pa e pueblo di San Nicolas y vecindario, unda cu e necesidad tey.
Por mir’e tambe den e periodo cu tabata den un localidad hopi mas chikito cu ta haya falta di e espacio cu tin.
Toch specil di esaki ta cu banda di esey, cu ta cuadra cu henter e proyecto di San Nicolas, cu e edificio aki a haya su mural tambe, cu ta conta di e parti cultural, cu un bunita fachada, danki na e proyecto di Aruba Art Fair. Ta contento cu esey tambe.
Loke cu nan tin nan Playa cu ta e maker’s space unda cu e muchanan por haya experiencia y traha cu e tecnologianan nobo, ta e idea pa bin cu parti di esey tambe na San Nicolas. Tur esey, ofreciendo comunidad, e pueblo di San Nicolas tambe, e mesun facilidad cu tin na Playa, por tin’e eynan tambe. Segun Britten, innovacion ta cuminsa hunga un rol hopi importante. Den diferente aspecto, Gobierno mes ta purba di tin 24/7 pa innova y pa bin cu su sistemanan digitalisa. Esey ta netamente loke cu kier haci tambe. No ta keda atras como Bibliotheek y San Nicolas tampoco.