Riba red social a cuminsa circula comentario y potret di e mama di hoben cu a desaparece mas di dies aña pasa Natalee Holloway, esta Beth Holloway acompaña di reportero mericano Nancy Grace di bishita riba nos isla.
Por a compronde cu nan yegada na un hotel den area di Palm beach no a cay den bon tera y cu te hasta a pidi presencia di polis na sitio pa atende cu nan. Publicacion di e reportero Nancy Grace riba su pagina di Facebook, por a tuma nota di declaracion caminda el a menciona di a sinti su mes menasa.
Cu polis di Aruba a menasa nan cu detencion. Nan ta bezig recoriendo algun sitio cu e hoben lo a bishita prome cu el a desaparece. Presencia di polis ta bisto den e potret cu el a publica. No ta sigur si esaki tin di haber cu kier a subi propiedad sin autorisacion, pero locual ta sigur cu hopi hende lo tin bon bista riba nan y nan intencion. No ta prome biaha cu ta purba daña nomber di nos isla y e daño cu esaki acausa.
