Siman pasa a tuma un reunion entre gobierno y e diferente sindicatonan hunto cu OPPA.
Un reunion cu a tuma luga riba peticion di e gremionan, basa riba un carta firma pa al menos diescinco firmante. Den e carta a cita nan preocupacion ariba e diferente desaroyo- y situacionnan. Hunto cu esaki, e hecho cu cada un sindicato respectivamente den su propio seno ta haya peticion di su miembronan cu ta haya informacion cu situacion ta mehorando y kier sa kico ta para cu nan 12.6% cu nan a entrega.
Magaly Brito, secetario general di SEPPA a bisa cu no ta un secreto cu e entrega aki ta causando hopi dolor den cartera di e trahadonan, ya cu tur pa un of otro motibo cu lo a perde trabou of cu ta bibando cu menos entrada y esaki tin su efecto.
Gobierno a duna un presentacion riba e situacion di AZV y tambe riba e situacion financiero di pais Aruba, debi na e crisis causa door di Covid-19. Manera indica den e reunion pa SEPPA no ta suficiente bin duna un presentacion di AZV of di e situacion financiero di pais Aruba. Al contrario, ta wak e situacion den su totalidad kico ta pasando. Nan kier sa kico ta e maneho di gobierno pa loke ta e maneho financiero, economico y riba tereno laboral.
SEPPA ta insisti ariba esakinan, pa motibo cu ta masha facil pa bin c’un presentacion riba tereno di AZV, unda ta papia solamente di cifra.