Teresita Center diasabra anochi ta sede di e conferencia Beauty Ashes Women, unda e hende muhe ta e punto central di atencion den e conferencia aki cu ta tuma luga riba diasabra, 16 di november, 2019.
Shermila de la Cruz a splica cu tur hende muhe di Aruba ta invita pa asisti na e conferencia aki cu ta totalmente gratis. Inscripcion ta habri pa 6’or di atardi mientras cu e conferencia mes ta cuminsa pa 7’or di anochi. Ni mucha ni hende homber ta permiti pa ta presente mirando cu e ta un anochi dedica na e hende muhe, di 16 aña bay ariba.
Pa 7’or di anochi e conferencia ta cuminsa cu diferente orador, kendenan ta bay duna e hende muhenan e hermentnan pa hisa cara den laira y enfrenta bida. Despues di e conferencia tin un comemento chikito pa e participantenan.
E temponan aki ta temponan dura na Aruba, unda cu e hende muhe ta sinti su mes hopi kibra, hopi bou presion, pa cual a dicidi di organisa e conferencia aki p’asina duna nan poco forsa, drecha nan “self-esteem” y sa cu e ultimo palabra den nan bida ta Dios tin’e y kende ta e unico cu por fortalese nan.
