Diabierna marduga a bira bastante druk pa Cuerpo Policial mirando cu varios detencion a tuma luga na diferente sitio practicamente na mes momento, cu chauffeurnan bou influencia di alcohol. Control tumando luga den varios area di nos Isla ta resultando den detencion un tras di otro.

Na Tanki Flip a para un auto cu tabata zwaai riba caminda, na momento cu a dune ordo pa para y por a tuma nota caba cu e tabata bou influencia.

Polisnan man yen cu chauffeurnan bou influencia

Polisnan man yen cu chauffeurnan bou influencia

Posted by 24ora on Friday, November 15, 2019

Practicamente e no por a para riba su pia. A pidi dogcatcher pa asina transporte pa warda di polis inmediatamente. Na mes momento dos otro auto a keda para y chauffeurnan deteni den Koningstraat cu tambe tabata bou influencia di alcohol. Tur dos mester a supla y mes ora a constata cu nan a surpasa e limite permiti.

Durante cu tabata subinan den dogcatcher, un otro auto lo a drenta di verboden y topa cu polisnan cara cara, mes ora a dune ordo pa para. Polisnan siguiendo e control regular a nota cu e chauffeur tambe ta mustra bou inlfuencia, a pasa pa laga e chauffeur supla y debi na e resultado a detene mes ora, y e tambe mester a subi dogcatcher pa asina transporta nan tur pa warda di polis.

En total ta papia di cuater persona deteni practicamente na mes momento. Tur esnan deteni ta masculino, mientras un dama cu tabata pasahero a keda na pia.

Comments

comments