Diasabra atardi a sosode un accidente riba caminda grandi di Paradera. No tabatin hende herida pero si basta daño material.
Esaki a pasa den careda di 6:45 pm dilanti di Citgo Paradera. Un auto color cora (Hyundai Sonata) a bay subi caminda grandi, pero net e ora ey tabata biniendo un Chevrolet Spark color berde.
Pa ora cu e chauffeur di e auto berde a tuma nota di e intencion di e hyundai, tabata laat caba, e no por a evita e impacto y a bay dal den e Hyundai.
Polis a presenta na e sitio pa asina tuma informacion di ambos partido. Un di e partidonan no tabata tin su rijbewijs cu ne.
