Un susto basta grandi doñonan di cas a pasa aden ora cu nan a scucha un zonido duro pafo di cura. Esaki a tuma luga den Fortheuvelstraat na San Nicolas maneciendo.
Habitantenan di Fortheuvelstraat a haya e susto di nan bida net prome cu solo a sali. Un Hyundai Van color blanco biniendo di pariba, a perde control y bay dal den cura di e cas. Segun informacion na sitio, ta pensa cu tin di haber cu e caminda muha na e momentonan ey.
Polis a presenta na sitio y tuma datos. Doño di cas tabata bastante spanta di mira e destruccion na su propiedad. E tabata conta, cu ta prome biaha algo asina a psa cu nan n’e cas. Daño ta considerabel. Locual por bisa si, cu afortunadamente no tabatin herido den e accidente aki.
