Den e anochi di 30 di juli 2019 e barco di Marina Real Zr.Ms. Groningen, cu na e momento ey ta haci trabou pa Warda Costa, a coy un lote grandi di droga.
Durante un patruya di e avion Dash di Warda Costa na parti nort di e islanan ABC a mira un Go Fast. E helicopter NH-90 di Zr.Ms. Groningen a pone e boto para y a haya mas o menos 470 kilo di cocaina abordo di e Go Fast.
Tarea Zr.Ms. Groningen
Zr.Ms. Groningen for di dia 20 april ta activo den e area di Caribe. E barco ta wordo uza pa actua durante di operacionnan contra droga y pa ayudo humanitario. Banda di esey e ta wordo uza pa diferente tarea di Warda Costa manera investigacion di pesca ilegal, delito ambiental y pa rescate. Pa por haci e trabou aki Zr.Ms. Groningen tin dos FRISC (interceptor rapido) y un helicopter HN – 90.
Buskeda
Durante e patruya di e avion Dash di Warda Costa nort di e islanan ABC a mira un boto ta nabega rapido, un asina yama Go Fast. Zr. Ms. Groningen a cambia su direccion pa e boto. E helicopter NH-90 a sa di stop e Go Fast y compaña esaki te ora cu e interceptor a yega.
E droga y e tripulante a wordo tuma abordo di Zr.Ms. Groningen pa su siguiente dia keda entrega na Warda Costa.