E musiconan di I Culture tin mas cu un decada ta toca Reggea music y aworaki a bini hunto
pa haci un ‘dream team’ cu tur musico di Reggea pa sigui promove esaki na Aruba. Aña pasa nan tabata tin un tremendo aña cu bastante toca, lamentablemente a caba na Hardgrooves Cafe cu awor a cera.
Pa nan sigui, tabata mester di luganan cu ta sostene musica di Reggea y den e caso aki Chubato Beers a cay aden. Marlon Matthew ta conta nos cu tur miembro di banda tin mas cu dies aña ta haci musica y nan a bini hunto como banda accoustic, cual despues a crece bira un banda awor activo pa un aña. Den e genero di reggea, nan ta un di e bandanan di mas gusta cu a toca den varios show grandi recientemente mes manera concierto di Eek a Mouse cu tabata tin y varios otro evento na Hulanda tambe. “Aworaki e ta un all-star unda nos a bini hunto y bisa cu nos ta bay push’e,” segun Matthew.
Amantenan di Reggea sigur por a disfruta di un Bon ambiente di I Culture banda di un dushi cerbes na Chubato Beer World, y ta parce cu e musiconan aki no tin plan pa stop. Nan ta laga sa cu por spera hopi mas for di nan pronto asina contribuyendo den sigui promeve e cultura y musica di Reggea riba nos isla.
