Diasabra, Caliente FM lo tene un evento special hunto cu Fundacion Pa Nos Comunidad, cual ta un evento cu nan ta haciendo pa algun aña caba.
Juan Carlos Ventura ‘La Sonri’ a indica cu Caliente FM hunto cu Fundacion Pa Nos Comunidad ta organisa e evento aki pa varios aña caba. Den e ultimo añanan, door di e situacion mundial, e situacion financiero a bira un poco mas preta. E aña aki tin tur indicacion cu tin mas hende cu lo bay tin mester di un ayudo pa cu e materialnan di scol pa nan yiunan.
Tur aña Caliente FM tin e responsabilidad social pa cada aña busca e co’i scolnan pa e famianan di menos recurso. E aña aki ta mustra cu lo tin mas hende cu lo mester ta bay tin mester di yudansa, ya cu e peticionnan ta casi surpasa esunnan di aña pasa. Aña pasa a yuda casi 500 famia y e aumento ta un indicacion di cu e necesidad social na nos isla. Pero cada uno ta aporta pa esaki bira un poco mas trankil pa nos comunidad.
E evento lo ta di 6:00am te cu 6:00pm y por entrega e donacion na studio di Caliente FM.
