Un caso lamentabel di agresion a tuma luga, caminda un victima a keda malamente herida cu cara tur na sanger. Un homber, den un vehiculo shinishi a sigui su victima femenino te den area di Tanki Leendert caminda el a blokia e auto y asina logra saca e muhe for di e auto.
Esaki a sosode den careda di 4:15 pm ora cu polis a cuminsa bay direccion di Sikkens na Tanki Leendert caminda cu e victima y agresor tabata. Na yegada no a topa cu ningun di dos. A señala e agresor direccion Ponton y despues bayendo ariba. Na altura di Wendy’s Tanki Leendert a logra para e vehiculo.
Mientrastanto e victima a presenta na warda di Polis na Playa pa asina pone un denuncia. Na prome instante no por a detene e agresor, pero na momento cu e victima a haci su denuncia por a efectua e detencion. Esaki a tuma luga dilanti un cas na Santa Cruz.
A pidi transport di polis cu a presenta y asina hib’e warda di polis caminda cu e tin cu bay duna cuenta pa su acto di agresion.