Ariba dia di Betico semper nos ta custuma di busca diferente actividad pa hasi cu henter famia mirando cu e ta un dia special y tambe dia liber pa pa mayoria persona. Diasabra proximo dia 25 di Januari ‘California Lighthouse’ lo tin un special pa tur local pa asina experencia e famoso ‘360 Views’ te na top di e faro.
E faro ta un di e atraccionan mas bishita na Aruba pero hopi hende ainda no sa cu bo por drenta paden y subi te na e top di e faro. Asina cu bo ta ariba e bista ta uno sumamente bunita. Bo por cana ful rond disfrutando di tanto e bista di laman, Palm Beach, Oranjestad pero tambe e otro banda, esta e bista di Parke Arikok. E faro lo ta habri pa publico diasabra awor for di 9 or di mainta te cu 7 or di anochi. E prijs pa local lo ta solamente 5 florin. Mirando cu ta dia di Betico e personal di e faro lo ta bisti cu T-shirts di dia di Betico y lo tin musica tambe parti pafor mientras ta warda pa subi.
E diferente trucknan di snacks y coy bebe tambe lo tey. Importante pa menciona ta cu por paga cash of por swipe cu carchi tambe. Ta recomenda bin den oranan trempan di mainta of mas atardi pa asina e solo ta menos fuerte ora tin cu para den rij pa subi. Si hasi e bishita merdia ta recomenda bisti proteccion di solo. Nos faro ta un monumento protehi cu ta exisiti pa mas di 100 aña cual ta ricibi bishita diario di nos turistanan y riba dia di Betico esaki ta un bunita oportunidad pa bishita esaki cu famia. E atraccion aki no ta recomendabel cu personanan cu problema di salud di pia/rudia. Pa mas informacion por Jama of Whatsapp 699-0995 of tambe sigi California Lighthouse riba facebook y Instagram.
