Recientemente Maduro Travel y e aerolinea TUI a cera un acuerdo pa duna mas acceso pa e agencia di biaha por drenta nan sistema di reservacion. Sebastiaan de Vries, Area manager na Tui Curacao, Aruba, Bonaire y St. Maarten ta sinti su mes fantastico y e ta pensa cu nan ta bayendo den un bon direccion. Nan ta haci esaki pa nan clientenan y e asociacion ta consisti cu ta habri e sistema di reservacion pa Maduro Travel, pa nan tin acceso facil na e stoelnan cu ta brinda pa Amsterdam.
Nan a brinda cuater upgrade pa e Deluxe Class.
Deluxe Class ta nan e clase di mas luhoso. Tui ta consisti di un Economy Zone, un Comfort Zone y un Deluxe Zone. Tui mes ta convenci cu e ta un bunita clase turistico luhoso.
Cada biaha nan ta en busca di maneranan pa sorpresa e cliente, cual nan ta yama e momentonan Waw y e clase aki ta yena e deseo di e biahero, mirando cu Tui ta brinda vakantie. Pa haci brinda un vakantie mas caro na e vakantie, e tin un servicio di primera.
E clase aki no ta limita te na un bon stoel y un servicio cu un sonrisa, pero tin tambe Priority Boarding, VIP Lounge na Schiphol. Tin algun otro elementonan manera un kopi di expresso cual e biahero ta haya como regalo na momento cu cumpra e clase.
E avion mes ta uno moderno. E ta un boeing 787 Dreamliner, cu ta caracterisa pa su forma peculiar di su halanan. E ta stabil den aire y ta bula mas halto y tin menos molester di turbulencia.
E experiencia den aire ta miho cu e avionnan tradicional. Fuera di esey, e tubo cu ta cana aden, tin otro factornan, manera e fodonan di luz, como tambe e cabina ta mas grandi, unda cu bo por ta mas descansa na momento cu bo yega bo destino, haciendo e dreamliner uno special.
Maduro Travel ya caba tabata bende ticketnan di Tui, pero via un otro tipo di sistema di reservacion. Door di e forma di asociacion y acceso den nan propio sistema, nan tin miho disponibilidad tambe na e prijsnan. Finalmente ta brinda e pasahero un miho deal.
Camil Dongen ta den Corporate Desk banda di KLM y tin awo opcion pa bende e servicionan completo di Tui. Loke tabata limita Maduro Travel ta, cu Tui su sistema principal ta na Hulanda. Servicionan manera bagage, seating tabata limita pa nan por a bende.
Nan por a bende ticket y inclui e tax, pero ora cu e persona mester a paga pa nan maleta, etc., mester a mandanan pa Tui.
Awo cu e acuerdo aki, por ofrece e pakete completo cu nan no tin cu bay otro caminda. Nan por haci tur cos na Maduro Travel. Servicionan di Tui completo ta disponibel na Maduro Trave.
Destinacionnan cu Maduro Travel por bende ta Aruba-Amsterdam-Aruba.
Ta bezig cu otro destino tambe pasobra nan tin otro companianan manera Tui Belgica, cu tin vuelonan pa Aruba. Eseynan ainda no ta integra den e sistema. Pero na cierto punto, ora cu nan sistema ta on, Aruba tambe por haci’e.
Maduro Travel basicamente por haci di A te cu Z. Si ta pa Corporate, si ta Leasure, si ta un day trip pa Corsou, kico cu bo ta pensa cu bo kier haci, Maduro Travel por yuda cu esey.
Maduro Travel ta habri for di 8’or di mainta pa 5’or di atardi di dialuna pa diabierna y riba diasabra di 9 pa 12. Tur cos cu tin mester, Maduro Travel tey p’abo.
