Awetardi Instituto Medico San Nicolas (IMSan) ta ricibi un ambulance nobo for di Yrausquin, agente di e autonan Ford. Ta trata aki di un ambulance traha na midi, di modelo Ford Transit. E ambulancenan bieu tabata modelo Ford Ecoline.
E compania Wheel Coach a transforma e modelo Transit den un ambulance. Na Aruba esaki ta e prome, pero na Europa nan ta existi pa hopi aña caba. Na Aruba, Yrausquin ta bende Ford Transit pa 10 aña caba, pues a introduci’e desde aña 2007.
E adkisicion aki ta forma parti di e maneho di ex Minister Alex Schwengle, cu den su tempo a percura pa cumpra un of dos ambulance nobo pa aña. Esun aki tambe tabata den preparacion for di lunanan anterior caba. E intencion ta pa IMSan por conta cu ambulancenan nobo, pa asina evita cu tin ambulance bieu den nan flota, cu na final ta costa mucho mas pa mantencion.
