E fiesta mas grandi di nos religion Catolico, esta nos fiesta Patronal, ta cuminsa awe cu Su nobena Nacional cu participacion di tur parokianan di nos pais. E Nobena ta tuma lugar tur dia pa 5:30’or di atardi na Kapel di Alto Vista mes.
Tur parokia ta preparando lo maximo pa duna nos Patrona stima, Mama Maria di Alto Vista un bunita homenahe. Enberdad nos Mama Maria di Alto Vista di Alto Vista merece, debi cu e ta e lugar Santo Sagrado na unda tur hende ta bay hiba nan peticion y gratitud.
Dia 7 october ta e gran dia na unda tur hende ta bin hunto pa celebra nos Patrona Su dia, cuminsando pa 6’or di atardi na Kapel di Alto Vista mes. Nos Obispo Luis Antonio Secco lo encabesa e celebracion, hunto cu pastoornan di tur parokianan di nos pais.
Tur fielnan di Mama Maria ta ser recorda cu Kapel lo keda habri 24 ora pa dia, esta por bay resa anochi tambe, ta bay tin seguridad y iluminacion.
E ultimo cu a drenta den e fila como donador ta oficina di abogado mr. L. D. Gomez, kende a paga pa e tent.
Laga nos decora Kapel di Alto Vista cu flor, specialmente pa dia di 7 di october.
Nos pais, nos mundo merster di oracion, laga nos uni forsa pa na honor di nos Mama Maria di Alto Vista stima un bunita homenahe.
