Na Airport di Aruba tin un problema serio cu Riolering. E riolering ta core patras di e oficinanan di huur auto. E ta cay net unda e parkinglot ta. Diariamente turista y trahadornan ta usa e area aki. Awe nos ta trece e problema aki den publicidad pasobra esnan cu ta traha eybanda ta bisa cu ta basta.
Airport ta hopi bon na altura di e problema cu tin. Logicamente e siguridad di airport tambe mester a haya keho. Diferente ocasion pa basta tempo e awa sushi ta aparece. Kiermen tin un problema cu e riolering. Mirando cu airport mes no ta worry, a yega ora pa trece esaki den publicidad.
Si esun responsabel no kier atende cu e problema, anto mester zorg pa e informacion yega na e hefenan mas halto na airport. No ta un forma pa traha den. Awe sushi di riolering ta bin halto. Ta hole stinki y ta malo pa salud di hende cu diaramente ta traha eybanda.
Ademas si auto pasa den dje e ta keda plama vies riba e caminda. Turistanan tambe ta keha. Na un pais asina desaroya, un problema manera esaki mester a ta regla masha tempo caba. Ta dificil pa airport bin cu un excuus pa defende nan fayo despues cu nan a wordo avisa masha tempo di e problema.
