Diadomingo algo pasa di 2 or di marduga un bululu formal tabatin den Caya Fransebloem #22 cu hasta famianan a spanta.
Polisnan a yega na e sitio pa duna un man na e situacion fastioso cu tabatin na e cas y cu tabatin algun miembro di famia tur spanta.
E cabes di cas, a bira agresivo na cas y cuminsa dal porta lanta henter e famia cu tabata drumi caba. E pober muchanan cu tabata drumi, a lanta den un susto cu tur e desordo.
Por a compronde cu e homber tabata basta burachi y tur cos cu el a topa den su caminda cu rabia e tabata bolter of tira nan un banda. E mama mes a bisa cu e tabata bou influencia di alcohol.
Polis mes a constata cu e homber tabata basta agresivo y no tabata por a papia cun’e. A dicidi di detene y hib’e warda pa trece trankilidad na e cas. Tabatin tres patruya na e sitio aki pa atende cu e homber y a pidi dogcatcher pa transporte pa warda.
Ta trata di e mesun homber kende algun dia pasa caba tabata den publicidad ora cu el a bay busca su yiu na scol bou influencia tambe y e biaha’ki ta na su cas el a haci desordo.
