Despues di informa di un desgracia riba lama, tur autoridad a mobilisa pa asina brinda auxilio mas lihe posibel na e victima cu tabata den un situacion sumanente critico.
Un rato pasa, vocero suplente di cuerpo policial, a duna e informacion cu lamentablemente e hobencita di inicial C.M. di 13 aña, biba na Merca, a fayece despues di e accidente riba lama. Pa 5:28 pm dr. Texier a constata morto. Un caso sigur hopi tristo.
Na e momento aki dokter a presenta na sitio pa constata morto. Mientrastanto ta warda yegada di funeraria pa asina bin busca e curpa. Ta manda palabra di condolencia na famia y ta spera cu pronto lo haya un clarificacion riba kico por a bay robes den e caso lamentabel aki.
