Tabata alrededor di 11:20 am ora cu chauffeur di Minister Xiomara Maduro a dal tras di un auto den De La Sallestraat. E tabata cu e auto cu ta registra na Ministerio di Finansa y Cultura. E auto cu despues di ora di trabou, e mandatario ta haci uzo di dje pa cosnan personal y cu ta drumi na su cas.
E auto di minister ta marca Honda modelo Pilot color preto numera A-34493. E auto cu el a dal contra di dje ta un Toyota Rav4 blanco numera A-5577. E Rav4 a ricibi sla na e bumper parti patras. “Ta un descuido”, ta locual e chauffeur di Minister Xiomara Maduro a bisa e otro partido.
A yama seguro pa bin documenta e accidente aki, ningun persona a resulta herida. No ta conoci si e chauffeur tabata riba su celular y no a paga tino den trafico of si e no a regula su velocidad.
