Diabierna, algo pasa di 10’or y 50 di anochi, patruya di noord a ser dirigi riba e caminda di Moko y Catiri, un poco panort di Eumar Lock, caminda un auto lo mester a dal riba un palo di kwihi. Na yegada di patruya nan a bin constata cu un Hyundai i-10 color cora numera A-60356 tabata riba kaminda y e front di e auto tabata tur kibra. Mesora a bay atende cu e manehador femenino y el a conta cu pa un of otro motibo e auto a hala na su man robes y a bay dal riba e troncon di kwihi. E dama a dal su cabes den e windshield, sinembargo e no tabata kier asistencia di ambulance. Polis a tuma datonan di e sucedido. Daño material ta basta.

Comments

comments