Auto a perde control y cay for di brug na Pos Chikito

4746

Awe marduga pa mas o menos 12:50am a activa autoridadnan pa un desgracia serio na altura di brug Fredis Refunjol na Pos Chikito. Un auto biniendo for di San Nicolas direccion Oranjestad a perde control, baha caminda, dal den e vangrail y bay cay abou. Tanto e chauffeur como ocupante a resulta herida, pa cual a transporta ambos cu ambulance pa Hospital

Na e sitio a topa cu un auto marca Nissan modelo March color biña, cu number A-68515. E auto a ricibi hopi sla dor di e impacto y dor di a cay te abou banda di e lagoen. Tanto e pasahero como e chauffeur a resulta herida, pero no a keda pega den e auto. 

Accidente serio na brug Fredis Refunjol na Pos Chikito. Autoridadnan ta yudando heridonan cu a cay for di e brug cu auto!

Posted by 24ora on Sunday, January 26, 2020

Bomberonan a duna un man pa por a carga ambos, hunto cu Paramediconan di Ambulance, pa trece nan riba e brug unda e Ambulance tabata sperando riba nan. E chauffeur tabata un hende homber y e ocupante un hende muhe. A transporta nan den Ambulance separa pa Hospital.

Bombero: E vangreelnan no ta sirbi!

Alfredo Correia de Andrade di Cuerpo di Bombero a conta di nan rol den rescate di e dos victimanan envolvi den e accidente serio na brug Fredis Refunjol na Pos Chikito. El a conta cu e auto a perde control y dal den e vangrail y cay te abou. Ta obvio cu e vangrail no ta sirbi pasobra ta di dos biaha caba cu auto ta dal den nan y cay for di e brug. E ultimo accidente similar a sosode dia 18 di october 2019

Alfredo Correia de Andrade di Cuerpo di Bombero suministrando informacion riba e accidente serio na brug Fredis Refunjol na Pos Chikito. Un auto a dal den e vangreel y bay cay te abou! Tanto e chauffeur como ocupante a resulta herida.

Posted by 24ora on Sunday, January 26, 2020

E oficial di Bombero ta conseha pa traha un cura di beton mescos cu esun cu ta separa e dos camindanan for di otro. Esey ta mucho mas fuerte y lo evita cu autonan ta sigui cay for di brug asina. Un di e motibonan ta tambe cu autonan ta core cu un velocidad demasiado halto eybanda, cu consecuencia cu e vangrail ta bira mescos cu un papel ora nan dal den dje. 

Caminda lo keda cera

Polis a informa di lo mester conduci un investigacion forensico bastante profundo na e sitio, hunto cu e departamento di trafico. Tambe lo laga drecha e vangrail mesora awe mes. Ta calcula cu e mita caminda cu ta maneha e trafico di San Nicolas pa Oranjestad lo keda cera pa algun ora mas, probablemente te awetardi. Ta desvia e trafico for di adelanta caba, pa asina autoridadnan por eherce nan trabou den tur trankilidad.