A horta bateria di auto staciona den Playa

Diadomingo anochi a tuma luga un caso di ladronicia for di un auto staciona den Elleboogstraat, patras di caya grandi. E patruya di Polis cu a presenta na e sitio a constata e chauffeur a staciona su auto den e caya ey y ora el a regresa, e bateria di auto a somenta.

Polis a tuma e denuncia di e doño di auto y a keda di tira bista si lo topa cualkier adicto ambulance canando rond cu un bateria di auto. Hecho ta cu den e vecindarionan ey ta masha riesgoso pa laga auto staciona pa hopi tempo y sin wowo riba dje. Ladronnan ta masha activo y ta bira creativo tambe si ta necesario. Den e caso aki no a kibra e glas di auto, manera semper ta haci, sino a habri e hood y bay cu e bateria completo!