Dialuna mainta un chauffeur a perde control di su vehiculo riba Avenida Nelson Orlando Oduber, un poco despues di rotonde Superfood. Mesora a pidi presencia di polis na sitio.
Tabata trata di un Nissan March ( color blauw ) cu pa un motibo of otro e chauffeur lo a perde control y a bay dal prome den un palo di luz pa despues bolter y bay para poca abou riba caretera. Polis a cera e area pa por atende cu e victima cu a ricibi varios kap, como tambe e investigacion relaciona cu e accidente. Ambulance tambe a presenta y a transporta e victima pa Hospital.
Daño material sigur ta considerabel.
