Diabierna algo prome cu 10:00pm a sosode un accidente cu herido na e T-Kruising di Pindastraat cu Fiyostraat, den Dakota
Un auto marca Toyota estilo RHD, numera A-72539, tabata biniendo for di Pindastraat y a subi Fiyostraat, y ta a alcansa e ciclista.
E taira/riem di e bais a dobla completo. Ambulance a presenta y paramediconan a duna e ciclista atencion medico.
E chauffeur hoben no por a uza e excuus cu e bais no tabatin luz, pasobra e flash a bay para algun meter leu despues cu e auto a alcansa e ciclista.
Algun habitante den e area a papia bon duro cu e chauffeur hoben. Nan a splic’e cu e mester pone mas atencion den trafico y cu e accidente lo por tabatin un resultado mucho mas pio. Ta acus’e di core “roekeloos”.