Pa 7 luna Stichting Ambiente Nobo no a ricibi su subsidio di Sociaal Crisis Plan y no por a sigui asina ey. E directiva a reuni cu trahadonan, unda cu nan a evalua si e fundacion ta sigui of no.
Angelique Perez, coordinado di Stichting Ambiente Nobo, a expresa cu nan a manda mensahe p’e directora di Departamento di Asuntonan Social (DAS), Minister Glenbert Croes y e dos personanan cu nan ta traha cu ne di DAS. Den oranan di anochi nan a ricibi informacion cu a deposita e placa pa nan.
Ta di pensamento cu esey por ta falta di comunicacion y e trahadonan no tabata sa cu a deposita e placa cu nan tabata warda riba dje. Nan tabata yama y niun hende tabata contesta, pero awo tur cos a keda cla. Asina aki a paga tur trahado.
E pago cu nan a haya ta fondo desde januari te cu awo y esey ta pone cu e fundacion por sigui duna nan servicio. Segun Perez, nan no tabata kier a trece e situacion aki como un mal forma, pero a hacie pa conscientisa cu tin biaha cosnan por pasa y tranca e subsidio.
