E siman aki, varios startups, negoshi y innovadornan lo reuni den Hilton Aruba Caribbean
Resort na Palm Beach pa ATECH Conference. E conferencia di tecnologia renombra, ATECH
Conference, organisa pa un grupo di profesional local joven, a sa di continua di inspira bishitantenan cu ja caba ta participando pa di 3 aña consecutivo. E di tres edicion di ATECH Conference ta priminti, di sigui mantene e titulo di “ The Hottest Tech Conference in the Caribbean” y a wordo nombra den 2016 como “Top 15 Technology and Innovation Conferences” di mundo den Forbes Magazine. Desde e prome evento, ATECH a sa di bira e lugar cu profesionalnan, entrepreneurs y creativonan ta topa otro den un ceno di inspiracion y networking. Durante di 3 dia, empresarionan chikito y grandi, y expertonan den tecnologia y innovacion di varios pais grandi mundial, lo examina y combersa ariba Aruba su futuro y tambe lo toca desaroyo di innovacion rond mundo. Algun startups internacional y di Aruba ta selecta pa pitch nan producto y ideanan den un competencia pa gana USD 10.000 pa por inverti den nan negoshi. “ Nos tin un tremendo line-up di entrepreneurs na e conferencia, en particular startups den nan inicio di nan idea cu por beneficia tremendamente di e ecosystem di conocemento di Caribe “ co-fundador di ATECH, Varelie Croes, ta comenta. Tambe lo tin varios oradornan y expertonan conoci manera: Justin Halsall, Developer Advocate na IBM,
lo habri e conferencia dunando varios remarka ariba e rol di tecnologia den e mundo di awor y den futuro. Melissa Gonzalez, CEO di The Lionesque Group, lo splika e participantenan con importante un bon customer experience ta pa commercio den 2017. Pensa con Starbucks ta bende un feeling y un experiencia ora nan ta puntra pa pone bo nomber riba e cup, no solamente un producto. Pero e lo conta tambe con tecnologia disruptivo mane Artificial Intelligence of Virtual Reality, lo por continua di shape e customer journey ora di hasi compras. Sigur un topico interesante pa Aruba su comercio. Adam Smiley Poswolsky, mihor conoci como the Millennial Workplace Expert, cu a skirbi e buki best- seller jama “The Quarter Life Breakthrough”, lo conta nos con Millennials ta cambiando e manera di pensa y traha di varios empresarionan establesi. Y con empresarionan por atrae, y mantene top talent na
nan organisacion. Na ATECH conference tambe lo tin varios oportunidad pa por colabora y inverti den companianan cu potencial. “Nos ta encurasha participantenan pa participa na e discucion tocante innovacion y pa por siña di otro y di nos participantenan”, Tristan Every co-fundador di ATECH ta comenta. No keda afor y buska bo ticket pa ATECH Conference ariba www.atechconference.com y sigui ATECH ariba www.facebook.com/ATECHConference. Tambe por download e app di ATECH riba Apple Store y Google Play gratis.
