Trahadonan di ASTEC ta hopi disgusta di e huma di WEB. Awor mes tin hopi stof y e area parti panort cu ta kima cos kimico ta manda holor malo pa salud di hende. Pa colmo e trahadornan a bisa cu ASTEC no ta worry cu nada. For di tempo cu trahadonan ta keha te awe nada a wordo haci tampoco. Trahadonan ta fada.
Parce cu e situacion den ASTEC ta di tal indole cu a cuminsa manda trahadonan pa haci trabou di security. Hasta ta papiando di baha salario. Trabounan a para full na waf di Barcadera. Trahadonan ya reclamando di no tin oido di parti gerencia. Tur loke ta pasando ta bay sigui causa problema.
Gerencia cera den airco trahando y trahadornan benta riba waf den un ambiente dificil pa traha aden. Gerencia mes a haci e pruebanan cu a confirma con malo e situacion ta riba waf cierto momento tur luna. ASTEC kier corta riba e trahadonan pero entre esunnan den gerencia mes no ta baha gasto. No sa ki efecto e paro riba e barco di container for di Miami tin pa e compania of e barco mes cu tin su iterinario.
