Desde e prome caso di Coronavirus a bin dilanti dia 13 maart, poco poco esaki a keda aumenta. El a yega na 101 caso, di cual 3 persona contagia cu e virus a fayece. Despues di 2 luna cu comunidad ta bibando den un incertidumbre si e cantidad di contagio lo subi.
Poco poco e cantidad di contagio di Coronavirus a cuminsa baha y awe tin 1 caso activo. Aruba a yega na e conteo di 101 caso, di cual 97 a recurpera. DVG a test 2019 persona y 1990 ta den cuarentena. No tin ningun caso pendiente, mientras cu tin 158 hende den cuarentena.
Rond mundo tin total 5.728.642 caso, di cual 50.496 caso nobo. E cantidad di caso di morto pa Coronavirus ta 353.692 di cual a bin 2.038 caso nobo. Un total di 2.461.386 persona a recupera y ainda tin 2.913.564 caso activo.
