Departamento di Salud y Gobierno ta manda un resumen diario riba e casonan relaciona cu coronavirus. Pa locual ta trata awe a drenta informe cu 2 caso adicional di persona cu a fayece pa motibo di Covid-19, cu ta pone e total awo na 22 caso. Hopi forsa na famia di e fayecidonan.
Un total di 44 persona mas a recupera cu ta significa cu total te cu awo a recupera 1610 persona.
Pa locual ta trata e caso nobonan, a registra awe 92 caso nobo di Covid-19 di cual 3 ta no-residente. Casonan activo awo ta 1520 persona. Mientrastanto un total di 366 test haci te cu ayera, di cual 239 test tabata haci na laboratorio di hospital.
Pa locual ta trata e situacion na Hospital,nan ta informa cu tin un total di 35 persona interna di cual 11 ta den cuido intensivo y 24 ta isola riba piso general.
