Parke Marino Aruba ta consisti di cuater area marino protegi. Tur e areanan ta multi used, esta hende por tin acceso na nan pero den un manera cu por stipula regla p’e. Esaki ta pa limita e impacto cu hende tin riba e areanan aki. E idea ta pa cos bay conhuntamente.
Sietske van der Wal, manager di Parke Marino, a informa cu un di e cuater areanan ta situa pafo di Arikok mes. Esaki ta di Daimari te Vaderpiet cu ta bay te dos kilometer pafo di costa. E siguiente area ta na Sero Colorado, conoci como cabes di Aruba, cual ta di Bachelors Beach te Rodgers Beach, unda e refineria ta cuminsa, ta inclui isla Bubi y Stemchi cu ta na Rodgers Beach.
E otro area ta Mangel Halto, cu ta cuminsa di Santo Largo y ta yega n’e pier di Nautical, mientras e di cuater area ta na Oranjestad y parti den dos. E ta parti den dos parti den e canal di crucero, cual un ta pasa patras di harbour reef (pafo di waf) y e otro pida ta dilanti Bushiri te Casa del Mar.
E areanan aki ta protegi pa mas di 30 aña pasa y den un documento ta indica cu Aruba mester conserva su bida marino na manera mas miho. E cuater areanan aki ta e prome stap. Pero loke van der Wal por haya den documentacion bieu ta cu un ROP na 2009 a indica e cuater areanan aki pa marca nan como marine reserve (reserva marino). Esey kiermen nada no mag, pero esey no ta e intencion n’e momentonan aki. E manera cu a indica pa nan ta como multi used protected marine areas.
Pa mas lesa TREMPAN.COM.
