E conocido evento masha anticipa cu ta Aruba International Regatta lo tuma luga diabierna 28 di juni te cu 30 di juni na Surfside Beach.
Lo tin un actividad di apertura y happy hour riba diabierna 28 di juni, sigui pa dos dia di competencia: diasabra 29 di juni lo bira e prome dia, y diadomingo 30 di juni lo ta e dos dia di careda.
Regatta ta tumando luga un poco mas trempan e aña aki pa por coresponde cu e final di e aña escolar, asina dunando espacio na hobennan cu ta nabega di por participa den e comienso di nan vacacion di escolar.
E localidad di Regatta Village a wordo muda pa Surfside beach situa dilanti di Neptali Henriquez Park, e area di e beach aki ta hopi apropia pa loke trata e evento, ofreciendo espacio di parkeo amplio.
Organisadonan ta extende un cordial invitacion na tur nabegante for di Corsou, Boneiro y otro islanan pa participa den cualkier di e categorianan di: Optimist Youth, F11 Youth, Beachcats, Sunfish, Laser, Race Class I (Yachts),
Cruising Class (Yachts), Live Aboard Class (Yachts), Multihull (Yachts), y Miniature Boats.
