Aruba Driving School a organisa e di dos “Awareness Ride”

726

Pa di dos biaha Aruba Driving School a organisa un “awareness ride” pa motociclista y ta organisa esaki riba dia di Asuncion. Mundialmente e luna di mei ta reconoci e luna di conscientisacion pa tur motociclista. Aña pasa a organisa pa prome biaha e bike ride y a haci esaki pa conscientisa tur automobilista, motociclistanan y tur cu ta haci uzo di caretera publico, pa tene cuenta.

Jairo Maduro, director di Aruba Driving School, a bisa cu nan ta haci uzo di e lema “Look twice, safe life,” pasobra semper lo por tin un motociclista coriendo tras di un auto of ta pasando y pa tene cuenta cu nan. Esey ta loke Aruba Driving School ta buscando pa conscientisa pueblo di Aruba pa tene cuenta cu tin motociclista riba caminda publico. Nan ta un grupo di motociclista responsabel cu ta percura pa trece e mensahe na e demas motociclistanan, specialmente na e hobennan pa cuminsa forma parti di trafico y pa nan respeta trafico, respeta otro chauffeurnan y respeta leynan. 

Aruba Driving School a organisa e di dos “Awareness Ride”

Aruba Driving School a organisa e di dos “Awareness Ride”. Click link pa mas https://24ora.news/2WQYjJQ

Posted by 24ora on Friday, May 22, 2020

Aruba Driving School tin spoedcursus di 150 florin, unda ta siña nan adapta na e leynan nobo y e partinan peligroso cu mester tene cuenta cu ne como motociclista y como chauffeur di cualkier vehiculo. Maduro a bisa cu mester keda pendiente y bij di e decreto nacional cu tin, cual ride a cay den e luna di conscientisacion. Nan ta gradecido cu a kita e samenscholing, “Shelter in Place,” pero nan a purba tene cuenta cu e distancia social. Nan mensahe ta pa ta consciente den trafico.

Aña pasa a conta cu 120 participacion, pero e biaha aki door di e pandemia el a spera 40 motociclista. Pero tabatin mas participacion. A logra organisa e ride danki na Aruba Bike Clinic, cu aña pasa a mira e importancia di e ride pa conscientisa y a participa. E biaha aki a haci’e diferente, uzando 3 diferente ruta cu ta sali desde San Nicolas. Tambe tabatin 2 competencia pa mira ken ta sali e miho chauffeur. E competencianan tabata sano y nada di burn out. E ride a dura pa 2 ora y mey y a termina na Arashi pa bahada di solo.