Den oranan di mainta Aruba Airlines a sali cu su avion di 50 pasahero cu destinacion pa Bogota, pa busca residentenan local cu tin di regresa. E vuelo aki tabata prepara pa busca 50 persona, pero na final solamente 40 persona a yega abordo di e vuelo. E otro 10 pasaheronan no a presenta pa asina por a bolbe Aruba. E aerolinea a warda un tiki mas riba e pasaheronan, kendenan no a yega.
Capitan a dicidi di lanta vuelo cu direccion Aruba, pa motibo cu si a keda para na e pista di aeropuerto di Bogota pa mas cu 2 ora, lo mester a paga un fee di parking space. Tambe Aruba Airlines diabierna lo sali un biaha mas cu destinacion Medellin pa busca mas pasahero residente di Aruba. Despues cu nan bolbe di Medellin, un biaha mas e avion di Aruba Airlines lo lanta vuelo den oranan di merdia rumbo Baranquilla y lo bolbe atardi. Esaki lo ta e ultimo grupo di pasahero cu Aruba Airlines lo trece for di Colombia.
