Na e momentonan aki tin 166 caso activo di COVID-19, pero awe 16 persona mas a recupera. Acerca a bin 11 caso nobo di COVID-19, di cual tur ta residente y e “positivity rate” bou residente ta 11%. Total di testnan haci ta 324, cual testnan haci bou residentenan na laboratorio di hospital ta 96, total di casonan di fayecimento relaciona cu COVID-19 a aumenta na 40.
Hospital ta informa cu tin un total di 4 persona interna di cual 0 den Cuido Intensivo y 4 isola riba piso general. E virus di Covid-19 t’ey riba Aruba y e yabi pa control’e ta union. Pa por sigui controla e cantidad di contagio ta necesario pa aruba ta uni pa logra un solo meta, cu ta pa minimalisa e plamamento di COVID-19.
Sea alerto y consciente di cada un di bo actividadnan ora cu nos tur ta consciente, pasobra hunto den union ta trahando pa mantene e casonan abou. Sigui mantene distancia, sigui aplica higiena, sigui uza tapa boca, sigui test pa COVID si bo tin sintoma, sigui mantene isolacion of cuarentena ora indica, sigui cumpli y sigui cuida Aruba ta conta cu bo!
